လူရယ်လို့ ဖြစ်လာ ရင် အသက်ရှင်နေထိုင် နိုင်ဖို့ အတွက် စီးပွားဥစ္စာ တွေ ရှာဖွေကြရ ပါပြီ ...။ {သြော် ...လူ ဖြစ်ရတဲ့ ဒုက္ခ} ရေကြည်ရာ မြက်နု ဆိုသလို နေရာဒေသအလိုက် ပြောင်းရွှေ့ ရှာဖွေကြရပြန်ပါတယ် ။ အိုးမကွာ အိမ်မကွာ အလုပ်လုပ် ၍ မိသားစု အတွက် လုံလောက်အောင်ရှာဖွေနိုင်သူ တွေရှိကြပေ မယ့် ပြည်တွင်းမှာ မိသားစု အတွက် လုံလောက် တဲ့ ၀င်ငွေမရရှိတဲ့သူတွေ အဖို့တော့ နိုင်ငံရပ်ခြား ကိုသွားရောက် လုပ်ကိုင်ကြ ရပါတယ် ။ အတိတ် ကပြုခဲ့တဲ့ ကံ တွေကြောင့် မိသားစုနဲ့ ဝေးကွာတဲ့ အရပ်မှာ နေထိုင်ရတာကို ပဲ ပျော်နေကြတဲ့ သူတွေ လဲ ရှိပါသေးတယ် ။လက်ရှိ မြန်မာနိုင်ငံ အတွင်းမှာလဲ လူငယ်တွေရဲ့ အတွေးစိတ် ထဲမှာ နိုင်ငံခြားသွား ပြီးအလုပ်လုပ်ရ တာကို ကံ ကောင်းတယ်ပဲ မှတ်ယူနေကြပါတယ် ။
မြန်မာနိုင်ငံ ပြန်ရောက်တဲ့ အခါမှာ တွေခဲ့ ရတဲ့ မြင်ကွင်းတွေ ကတော့ အံသြ မကုန်အောင် ပါပဲ ။ အခုဆိုရင် လူငယ်တွေ ကို တွေ့ချင်ရင် {မိန်းကလေး ၊ ယောကျာင်္းလေး} Passport ရုံးမှာသွားကြည့်ရပါတယ် ။ လူကြီး ပိုင်းတွေ တွေ့ချင်ရင်တော့ အနီးအနားမှာရှိတဲ့ Internet cafe တွေမှာ ၀င်ကြည့်လိုက်ပါ ။ " ပို့လိုက်ပြီလား....?
မရောက်းသေးဘူး ... !! ပြန်မလာနဲ့အုံး....!!! နောက်လတော့ ပို့လိုက်နော်......" အဲ့ ဒီလို အသံလေး တွေနဲ့ အတူ လူကြီးတွေကိုတွေ့ကြရပါ လိမ့်မယ် ။ သြော်ကျန်ခဲ့လို့ " ကြားလား...? ဘာမှမကြားရဘူး ...!!! ကျယ်ကျယ်ပြော ...! " အဲ့ဒီ လို connection မကောင်း လို့ စိတ်မရှည်တဲ့ ဒေါသ သံလေးနဲ့ ပင်ပင်ပန်းပန်း အော်ပြောနေရ ရှာတဲ့ အဒေါ်ကြီးတွေလဲ တွေ့ခဲ့ ရပါတယ်။ ဘယ်လိုပဲဖြစ်ဖြစ်ပေါ့လေ ကျွန်တော် အဓိကပြော ချင်တာကတော့ နိုင်ငံရပ်ခြားမှာရောက်နေကြတဲ့ မြန်မာနိုင်ငံသူ မြန်မာနိုင်ငံသား အားလုံး မိမိတို့ ရောက်ရှိ နေသော အရပ်ဒေသသည် ဗုဒ္ဒ္ဓဘာသာ မထွန်းကားသော တနည်းအားဖြင့်ပြောရ လျှင် ရပ်ပစ် ၈ ပါး ထဲ ၌ ပါဝင်နေသည်ကို သတိပြုမိစေချင်တယ် ။ ထိုသို့ မိဝေး ဖဝေး နေရထိုင်ရ ၍ လွတ်လပ်မှူ့ ကို ကြေနပ်ပျော်ပါး နေဖို့ မသင့်တော်ပါဘူး ။ ဘာသာခြားတို့ရဲ့ အလည်မှာ မိမိတို့ဘာသာကို မိမိတို့က တန်ဖို့ထားပါမှ သူတပါးက Respect ပြန်ပေးမှာပါ ။ မိမိတို့ ကသောက်စား မူးယစ်နေမှတော့ ဘာသာခြားတို့က ကဲ့ရဲ့ တာ ကို ခေါင်းငုံ့ခံ ရတော့ မှာပါ ။မိမိရဲ့ ကာယကံ လွန်ကြူးမှူတွေကြောင့် တိုင်းတပါးသား ဘာသာခြားများက ဗုဒ္ဓဘာသာ ၀င်အားလုံး ကို အထင်သေးကြမှာမလွဲပါဘူး ။ ယခု ကျွန်တော်လက်ရှိ ရောက်နေ တဲ့နိုင်ငံဟာ မွတ်ဆလင်နိုင်ငံ ဖြစ်ပါတယ် ။ ဒီမှာရှိကြတဲ့ မွတ်ဆလင် ဘာသာဝင်အားလုံး ဟာသူတို့ ရဲ့  ဘာသာကို တော်လေး တန်ဖိုးထား ကြ တာ ကိုတွေရ ပါတယ် ။ တနေ့ ၅ ကြိမ်မပျက် မှန်မှန် ၀တ်တတ်ကြ တာကို ကသူတို့တွေရဲ့ ဘာသာ ကို သူတို့ဘယ်လောက်တန်ဖိုး ထားတယ် ဆို ပြီး ဂုဏ်ယူပြကြပါတယ် ။ ကျွန်တော်တို့တွေ အနေနဲ့ က အရက်သေစာတွေသောက် စားပြီး အပျော်အပါးတွေ နဲ့ ပျော်ပါးပြီး ကံ ၅ ပါးကို မစောင့်ထိန်းကြဘူးဆို ရင် ကမ္ဘာမှာ ထေရ၀ါဒဗုဒ္ဓဘာ သာအထွန်းကားဆုံးနိုင်ငံ က လာတဲ့ ကျွန်တော်တို့ မြန်မာ လူမျိုးတွေအားလုံး ရဲ့  အကျင့် သိက္ခာကို ကဲ့ ရဲ့ ရှုံ ချကြမှာအမှန်ပါပဲ ။ လူမျိုး ကို သရော် တာထက် မိမိတို့ ကိုးကွယ်နေသော ဗုဒ္ဓဘာသာ ကို အထင်သေးစော်ကား ခံရတာမျိုး မဖြစ်စေချင်ပါဘူး ။ ဒါကြောင့် မိမိတို့ ရဲ့  ကာယကံ ၊၀ဇီကံ ၊ မနောကံ တွေ မမှား ကြဖို့ နဲ့ မိမိတို့ ကိုးကွယ် သော ဗုဒ္ဓဘာသာ ၏ အနှစ်သာရ ကိုမေးလာခဲ့ သည်ရှိသော် တိတိကြကြ မှန်မှန် ကန်ကန် ပြန်လည်ပြော ပြ နိုင်ဖို့ ကျွန်တော်တို့ဗုဒ္ဓဘာသာဝင်တိုင်းမှာတာဝန်ရှိပါတယ် ။ အနည်းဆုံးတော့
ရတနာသုံးပါး နဲ့ ကံ၅ ပါးရဲ့  အကြိုးအပြစ် ကို သိအောင်ကြိုးစားထားကြ ပါ ။ ပြည်ပရောက် လူငယ်တွေအနနဲ့ လဲ ဗုဒ္ဓဘာသာအကြောင်း သိချင်ရင် ယခုလို အင်တာနက် အသုံးပြုချိန် မှာ ဘာသာတရားနဲ့ ပါတ်သတ်တဲ့ Blog တွေ ဖတ်ကြဖို့ ကျွန်တော် အနေနဲ့ အကြံပြုတိုက်တွန်းပါတယ် ။ ကျွန်တော်ရေးတာ ကတော့သိပ်မစုံပါဘူး ။ကျွန်တော် ထက် ပို သိတတ် နားလည်တဲ့ ဆရာတော်တွေ ၊ အကိုတွေ ရေးကြတဲ့ site links တွေကို ကျွန်တော် Blog မှာ ချိတ်ပေးထားပါတယ် ။ သွားရောက် လေ့လာကြဖို့တိုက်တွန်းပါတယ် ။
မြန်မာပြည်မှာရှိကြတဲ့ ညီငယ် ၊ ညီမငယ် တွေနဲ့မိတ်ဆွေတွေ အားလုံးလဲ ပြည်တွင်းမှာရှိနေခိုက် ကာလ မှာ လက်တကန်းမှာရှိတဲ့ ဗုဒ္ဓဘာသာ စာပေတွေ နဲ့ ဆရာတော်တွေဟောကြားကြတဲ့ တရားတွေ ကို နာယူမှတ်သားကြဖို့ လေးလေးနက်နက် အကြံပြု့  ပါတယ် ။ ပြည်ပရောက်နေကြတဲ့ကျွန်တော် တို့ တွေ ဆိုရင် Blogger တွေ အချင်းချင်း Share ကြ တဲ့ တရားတွေလောက်ပဲ နာယူခွင့်ရတာပါ ။ ပြည်တွင်းမှာ လောက် စိတ်ဝင်စား ရင်စိတ်ဝင်စား သလောက်လေ့လာမှတ်သားခွင့်မရပါဘူး ။ ဒါကြောင့် ပြည်ပမထွက်ရလို့ စိတ်မကောင်း မဖြစ်ကြပါနဲ့ ။ မိမိ တို့လက်ရှိ ရထားတဲ့ အချိန်ဟာ အချိန်ကောင်း လို့ မှတ်ယူကြပါ ။ မိသားစုနဲ့ မခွဲခွာကြရ ဘဲအတူနေရတာလဲ အရင် ဘ၀ကပြုခဲ့တဲ့ ကောင်းမှူ့ ကံစေတနာကြောင် ပါ ။ ပြည်ပထွက်တိုင်းလဲ အဆင်မပြေကြပါဘူး ။ ကျွန်တော်ဆိုရင် ဒါဟာ ဒုတိယအကြိမ်မြောက် ထွက်ခွာလာခြင်းပါ ။ ပထမအကြိမ် မလေးရှားကို ထွက် တုံးကလဲအဆင်မပြေခဲ့ပါဘူး ။အရင်းကြေအောင်မနည်းလုံး ပမ်း ရင်း ၁နှစ်နဲ့လှည့်ပြန်ခဲ့ ရတာပါ ။ ယခု ဒူဘိုင်းရောက်တာ ၂ နှစ်ရှိပါပြီ ။ အကြွေးတွေနဲ့ အခုထိ လည်နေတုံးပါ ။ရှာရဖွေရ ခက်ခဲတာလဲ မပြောပါနဲ့ ။ ပြောရင် တခန်းတည်း နေတဲ့ သူငယ်ချင်းတောင် မယုံချင်ပါဘူး ။ အခုချိန်မှာ ကောင်းသော ကံ တွေပြုနေပေမဲ့ ဒါဟာအရင် ဘ၀က ပြုခဲ့တဲ့ (လွန်ကြူးခဲ့တဲ့ ) ကံတွေကြောင့် အခုဘ၀မှာ ဒီလိုကြုံတွေ့ နေရတာပဲ လို့သိနားလည်ခွင့်ရ ခဲ့ပါတယ် ။ ဒါတွေဟာ ဘုရား ၊တရား ၊သံဃာ ရဲ့ ဂုဏ်ကျေးဇူးကြောင့်ပါပဲ ။ ဒီအချက်တွေ မသိခင်ကတော့တော်တော့ ကို ပူလောင်ပြီး ပင်ပန်းဆင်း ရဲရပါတယ်။ သိနားလည် ပြီးတဲ့အချိန်ကြတော့လဲ့ ကြုံတွေ့နေရတဲ့ ဒုက္ခတွေ ဟာ တရားတော်တွေ နဲ့နီးစပ်ဖို့ အကြောင်းရင်းတွေ ဖြစ်းမှန်းသိလာရပါတယ် ။ ဒါကြောင့် အားလုံးသောမိတ်ဆွေများယနေ့မှ စလို့ မိမိတို့ဘယ်အရပ် ဘယ်ဒေသမှာနေနေ မိမိတို့ ကိုးကွယ် အားထားရာ ဗုဒ္ဓဘာသာကို ဂရုတစိုက် လေ့လာ၊ ကြင့်ကြံ ၊ ကြိုးစား ၊ ပွားများ အားထုတ် ကြ ဖို့ ကျွန်တော် ဒီ post လေးနဲ့ နှိုးဆော် တိုက်တွန်းလိုက်ရပါတယ် ။
အားလုံးပဲ စစ်မှန်သော ဗုဒ္ဓဘာသာကိုသက်ဝင်ယုံကြည်သူ များဖြစ်ကြပါစေလို့ ဆုတောင်းမေတ္တာပိုသလိုက်ပါတယ်...
/မောင်ဇော်မင်းအောင်
Monday, December 22, 2008
မွေးရပ်မြေ နဲ့ နိုင်ငံရပ်ခြား ... ???
မိတ်ဆွေများ အားလုံးပဲ မင်္ဂလာပါ ...
/မောင်ဇော်မင်းအောင်
Sunday, October 12, 2008
မေးပါရစေ... မိတ်ဆွေ ???
ကိုယ့် ကိုယ် မေးရင်းပေါ့လေ.... ဘယ်သူကမှမမေး ပေမယ် လို့ လူတိုင်းရဲ့  ရင်ထဲမှာ ဒီစကားလေး ကို ရေရွတ်ရင်း ကိုယ့် ကိုယ် ကိုပြန်ဖြေကြည့် ကြဖို့ အသိပေး လိုတဲ့ စေတနာ ဖြစ်ပေါ်လာလို့ပါ ...
" အ၀ိဇ္ဇာ ဖုံးလွှမ်း နေသော လူပုဂ္ဂိုလ် တို့သည် မကောင်းသော ကိလေသာ တဏှာ တို့ဖြင့် မေ့လျှော့ စွာပျော်ပါး နေကြကုန်၏ "
" ပျား ၊ ပိတုန်းတို့ သည် မွှေးကြိုင်သန့်ရှင်းသော ရနံရှိ သည့် ပန်းပေါင်းစုံ တို့ဖြင့် မှီဝဲ ၍အသက်ဆက် ကြကုန် ၏ "
" အရိယာသူတော်စင် နှင် သူတော်ကောင်း အပေါင်း တို့ သည် မြတ်စွာဘုရားရှင်ဟောကြားတော် မှူသော တရားတော်များနှင့် အညီ သူတော်ကောင်းတရားများ ကြင့်ကြံ အားထုတ်၍ နေကြလေ ၏ "
မိမိ သည် မည်သို့ သောအကြင့်နှင့် နေ၍ အသက်ဆက် နေသည်ကို သတိပြုဖို့ လိုပါတယ် ။
မည်သူကမျှ ဤမေးခွန်း ကိုမမေးတတ်ကြ{မေးလေ့မေးထ မရှိ} သော်လည်း မိတ်ဆွေတို့ ၏ အကျိုးရှေး ရှူ့  ၍ စေတနာ ဖြင့် မေးခွန်းလေးမေးလိုက်ပါရစေ... မိတ်ဆွေ !!!
* သင်သည် မည် သို့သော အကြင့် စရိုက်မျိုးဖြင့် အသက်ဆက် နေပါသနည်း ?
* ယခု အချိန်မှ အစပြု၍ သေသည် အထိ မည်သို့သော အကြင့်ဖြင့် အသက်ဆက်ရန် စိတ်ကူး မိပါ သလဲ ?
မိမိ ကိုယ် မိမိအကောင်းဆုံးသော အဖြေ ဖြေနိုင်ကြပါစေလို့ ဆန္ဒပြုရင်း ....
/မောင်ဇော်မင်းအောင်
Sunday, October 5, 2008
လူငယ်များသို့....
ဆိုလိုသည်မှာ လူငယ်တိုင်း ရိပ်သာ ၀င်ရန် ၊ သာသနဘောင်သို့ ၀င်ရန် ၊တောထွက်ရန် ဟူ၍ ပြော ဆိုတိုက်တွန်း ခြင်း မဟုတ်ပါခင် ဗျာ ။ ယခုကဲ့သို့ ငယ်ရွယ် သော အချိန်၌ ပင် {ယနေ့ အထိ} လူငယ်များ သည် မိမိ တို့ ကိုးကွယ် နေသော ဗုဒ္ဓဘာသာ ဆိုသည့် အဓိပ္ပါယ် ကိုပင် မသိကြသော လူငယ် များ အား ရည်ရွယ်၍ ပြော ခြင်း ဖြစ်ပါသည် ။ ငယ်ရွယ်၍ ဥာဏ်ထက် မြတ်သော အချိန်တွင်း ၌ မသိရှိ နိုင်သေးလျှင် အသက်များကြီး ရင့်လာသော အခါ ငယ်ရွယ်စဉ် သတိ မရှိခဲ့ ခြင်းကြောင့် အ၀ိဇ္ဇာ တွေ အထပ်ထပ် ဖုံးလွှမ်းကာ မြတ်စွာဘုရား ရှင် ၏ တရားထူး တရားမြတ်များ ၏ အနှစ်သာရကို ရရှိ နိုင် ဖို့ ဆိုသည် မှာ နောင် ဘ၀၌ တောင် မသေချာနိုင်တော့ ပါ ။ ထိုအခါ ဘ၀ပေါင်း များစွာ သံသရာလည်ပေ ဦးတော့ တခါ....
ရခဲ လှသော လူ့ဘ၀ ကိုရရှိ ၍ လောက တွင် လူလဲဖြစ်ခဲ့ ကြ ပါပြီ ၊ မြတ်ဗုဒ္ဓ ၏ သာသနာ နှင့် လဲ ကြုံတွေ့ နေရပါသည် ၊ ကံကောင်းထောက်မ စွာဖြင့် ဗုဒ္ဓဘာသာဝင် မိဘနှစ်ပါး ၏ ပဲ့ ပြင်ဆုံးမမှူ လဲ ရရှိ ခဲ့ပါသည် ၊ မိမိ ကိုယ် တိုင်လဲ ဗုဒ္ဓဘာသာ စာပေများ ကို လေ့လာဖတ်ရှူ့  နိုင်ပါလျှက် နှင့် မလေ့လာ မမှတ်သား ထားပဲ လစ်လျှူ ရှူ့  ကာ မေ့မေ့ လျော့လျော့  နေကြမည် ဆို လျှင် " လူ " ဖြစ်ခွင့်ရသော သင်၏ ဘ၀ ကို အင်မတန်မှ အားနာ စရာကောင်းလှပေသည် ။
လူငယ်များအနေ ဖြင့် အထူးသိ ထားသင့် သည်မှာ -
(၁) မိမိကိုးကွယ် နေသော ဗုဒ္ဓ ဘာသာ ဆိုသည်မှာ အဘယ်နည်း ၊
(၂) ရတနာသုံးပါးဆိုသည်မှာအဘယ်နည်း ၊
(၃) ၅ပါးသော သီလဆိုသည်မှာ အဘယ်နည်း ၊
စသည့် အချက်သုံးချက်၏ အနက်အဓိပ္ပါယ် ကို သိ၍ လိုက်နာကြင့်သုံးကြ မည်ဆိုပါလျှင် သင်သည် လူ့လောက ၌ လူဖြစ် မရှူံးတော့ ပါ ။ ထို့ (၃) ချက်ထက်ပို ပြီးသိလို ၍ လေ့လာမှတ်သားခဲ့ပါ က လည်း လူ့ဘ၀တွင် လူဖြစ်ခဲ့ သည့်အတွက် အကျိုးမြတ် မနဲလှကြောင်း သိရှိ နိူင်ပေမည် ။
လူငယ် ဆိုပေမယ့် လည်း လူးကြီးများထက် အရင် ကံကုန် ၍ အရင်သေ ဆုံးနိုင်ကြပါသည် ။ ထိုအခါ တတိယ အရွယ် ၊ စတ္တုထ အရွယ် များ ကိုပင် မရောက်ရှိ လိုက် ကြရပဲ တရားမရှိ အ၀ိဇ္ဇာ အတိ နှင့် လူ့ဘ၀ကို လွယ်လွယ် ကုန်ဆုံး ကြပေမည် ။ အကျိုး ကား သံသယာဝဋ္ဋ် ဆင်းရဲ့  တွင်း ၌ ပြန်၍ တဖန် လည်၍ ကူးခတ်ကြ ရပေ အုံးတော့ မည် ။
နောင် ဘ၀သည် ယခုဘ၀ အချိန်ထက် ကောင်းနိုင် ပါမည် ဟု အာမခံသူများ ရှိခဲ့ ပါလျှင်....
ဆက်၍ မိုက်ကြပေ အုံးတော့ လေ - အို မိတ်ဆွေ အပေါင်းတို့ရေ .....
/မောင်ဇော်မင်းအောင် {မိမိ ကိုယ်ကိုယ် နှင့် မိမိပါတ်ဝန်း ကျင်ကို ကြည့် ၍ ဝေဖန်သုံးသပ်ပါသည်}
Wednesday, October 1, 2008
အရှက်ရမိပါတယ်....
လောကမှာ " ကိုယ့်အတွက် ကိုယ်လုပ်ကြတဲ့ လူ ၊ အများ အတွက် လုပ် ကြတဲ့ လူ ၊ အများနှင့် မိမိအတွက်ပါလုပ်တဲ့ လူ ၊ အများအတွက် ရော မိမိ အတွက်ပါ မလုပ်ကြသော လူ " တွေ ရှိ ကြပါတယ် ။ သင်သည် အဘယ်ကဲ့သို့သော လူသားမျိုး နည်း ဟုမေးလာလျှင် ကျွန်တော် အတွက်ဖြေရန်ခက်လှပါသည် ။ ကျွန်တော်ကို ကျွန်တော် ပြန်သုံးသပ်ကြည့်မိပါတယ် ။ အဖြေကေ၀၀ါးနေ စဲ... ။ သေချာတာကတော့ ကျွန်တော် ဘ၀သက်တန်း မှာ မှတ်တိုင် ထူရလောက်အောင် ပြုခဲ့ တဲ့ အလုပ် ၊ အများအတွက် ပေါ့ လေ ဘာမှမရှိပါဘူး ။ ဒီကနေ့ ဓမ္မမိတ်ဆွေ အကို တယောက် ထံမှတဆင့် ရထားတဲ့ လင့်လေးကို ပြန်ကြည့်ရင်း က အများအကြိုး သယ်ပိုးနေတဲ့ ညီအကို တို့ရဲ့ ထေရ၀ါဒလူငယ်များအသင်းက ကုသိုလ်ကောင်းမှူတွေကို တွေ မိတော့ ကိုယ်ကိုကိုယ် ပြန်မေးရင် ဖြေစရာ မရှိဘူး ဖြစ်နေ ပါတယ် ။ ဒီတော့ ထုံးစံအတိုင်း သာဓုပဲ သုံးကြိမ် သုံးခါ ၀မ်းမြောက် ၀မ်းသာခေါ်လိုက်ရပါတယ် ။ မိတ်ဆွေများ အားလုံးလဲ ယခုကဲ့ သို့ တစုံတယောက်က မေးလာခဲ့ ပါလျှင် ဖြေနိုင်အောင် ကြိုးစား ထားကြပါ လို့ တိုက်တွန်းရင်း ...နိဂုံးချုပ်လိုက် ပါတယ် ။
/ မောင်ဇော်မင်းအောင်
Sunday, September 14, 2008
မယားခုနစ်မျိုး-
၁။ သူသတ်နှင့်တူသော မယား၊
၂။ ခိုးသူနှင့်တူသော မယား၊
၃။ အရှင်နှင့်တူသော မယား၊
၎။ အမိနှင့်တူသော မယား၊
၅။ နှမနှင့်တူသော မယား၊
၆။ အဆွေခင်ပွန်းနှင့်တူသော မယား၊
၇။ ကျွန်မနှင့်တူသော မယားတို့တည်း။
သုဇာတာ လင်ယောက်ျား၏ မယားတို့သည် ဤခုနစ်မျိုးတို့တည်း။
ထိုခုနစ်မျိုးသော မယားတို့တွင် သင်သည် အဘယ်မယားမျိုးနည်း။
ဘရိယာသုတ် (မယား)
ထိုအခါ မြတ်စွာဘုရားသည် နံနက်အချိန်၌ သင်္ကန်းကို ပြင်ဝတ်၍ သပိတ် သင်္ကန်း ကိုယူလျက် အနာထပိဏ်သူဌေး၏ အိမ်သို့ ချဉ်းကပ်ပြီးလျှင် ခင်းထားသော နေရာ ၌ ထိုင်တော်မူ၏။
ထိုအခါ၌ အနာထပိဏ်သူဌေး၏ အိမ်၌ လူတို့သည် ပြင်းပြ ကျယ်လောင်သော အသံရှိကြကုန်၏။ ထိုအခါ အနာထပိဏ်သူဌေးသည် မြတ်စွာဘုရားထံသို့ ချဉ်းကပ် ၍ မြတ်စွာဘုရားကို ရှိခိုးပြီးလျှင် တစ်ခုသော နေရာ၌ ထိုင်နေ၏၊ တစ်ခုသော နေရာ၌ ထိုင်နေသော အနာထပိဏ်သူဌေးအား ...
မြတ်စွာဘုရားသည်သူကြွယ် သင့်အိမ်၌ လူတို့သည် ငါးကို လုယက်ကြသော တံငါတို့ကဲ့သို့ အဘယ်အကြောင်းကြောင့် ပြင်းပြ ကျယ်လောင်သော အသံ ရှိကြကုန်သနည်း ဟု မေးတော်မူ၏။
အသျှင်ဘုရား ဤသုဇာတာမည်သော အိမ်သူချွေးမကို ကြွယ်ဝချမ်းသာသော အမျိုးမှ ဆောင်ယူခဲ့ပါ၏၊ ထိုချွေးမသည် ယောက္ခမ မိန်းမသူကို (ယောက္ခမမိန်းမ သူဟူ၍) အမှတ်မပြု၊ ယောက္ခမ ယောက်ျားသူကို (ယောက္ခမယောက်ျားသူဟူ၍) အမှတ်မပြု၊ လင်ယောက်ျားကို (လင်ယောက်ျားဟူ၍) အမှတ်မပြု၊ မြတ်စွာဘုရား ကိုသော်လည်း အရိုအသေမပြု၊ အလေးအမြတ် မပြု၊ မမြတ်နိုး မပူဇော်ပါ ဟု (လျှောက်၏)။
ထိုအခါ မြတ်စွာဘုရားသည် သုဇာတာမည်သော အိမ်သူချွေးမကို {{သုဇာတာ လာခဲ့ဦး}}ဟု ခေါ်တော်မူ၏။ {{အသျှင်ဘုရား ကောင်းလှပါပြီ}} ဟု သုဇာတာ မည်သော အိမ်သူချွေးမသည် မြတ်စွာဘုရားအား ပြန်ကြား လျှောက်ထားပြီးလျှင် မြတ်စွာဘုရားထံသို့ ချဉ်းကပ်၍ မြတ်စွာ ဘုရားကို ရှိခိုးလျက် တစ်ခုသော နေရာ၌ ထိုင်နေ၏၊
ထိုင်နေသော သုဇာတာ မည်သော အိမ်သူချွေးမအား မြတ်စွာဘုရားသည် ဤစကားကို မိန့်တော်မူ၏-
သုဇာတာ လင်ယောက်ျား၏ မယားတို့သည် ဤခုနစ်မျိုးတို့တည်း။
၁။ သူသတ်နှင့်တူသော မယား၊
၂။ ခိုးသူနှင့်တူသော မယား၊
၃။ အရှင်နှင့်တူသော မယား၊
၎။ အမိနှင့်တူသော မယား၊
၅။ နှမနှင့်တူသော မယား၊
၆။ အဆွေခင်ပွန်းနှင့်တူသော မယား၊
၇။ ကျွန်မနှင့်တူသော မယားတို့တည်း။
သုဇာတာ လင်ယောက်ျား၏ မယားတို့သည် ဤခုနစ်မျိုးတို့တည်း။
ထိုခုနစ်မျိုးသော မယားတို့တွင် သင်သည် အဘယ်မယားမျိုးနည်း။
အသျှင်ဘုရား မြတ်စွာဘုရားသည် အကျဉ်းအားဖြင့် ဟောကြားတော် မူအပ်သော ဤစကား၏ အနက်အဓိပ္ပါယ်ကို အကျယ်အားဖြင့် တပည့်တော်မ မသိနိုင်ပါ၊ အသျှင်ဘုရား တောင်းပန်ပါ၏၊ မြတ်စွာဘုရား အကျဉ်းအားဖြင့် ဟောကြားတော် မူအပ်သော ဤစကား၏ အနက် အဓိပ္ပါယ်ကို အကျယ်အားဖြင့် တပည့်တော်မ သိနိုင်လောက်အောင် ဟောကြားတော်မူပါ ဟု (လျှောက် ၏)။
သုဇာတာ ထိုသို့ဖြစ်လျှင် နာကြားလော့၊
ကောင်းစွာ နှလုံးသွင်းလော့၊ ဟောကြားအံ့ ဟု (မိန့်တော်မူ၏)။
{{အသျှင်ဘုရား ကောင်းပါပြီ}} ဟု သုဇာတာမည်သော အိမ်သူချွေးမသည် မြတ်စွာဘုရားအား ပြန်ကြား လျှောက်ထား၏။
မြတ်စွာဘုရားသည် ဤတရားတော်ကို ဟောကြားတော်မူ၏ -
၁။ သူသတ်နှင့်တူသော မယား၊
လင်ယောက်ျား၏ အကြင်မယားသည် ဒေါသ ဖျက်ဆီးအပ်သော စိတ်ရှိသည်ဖြစ်၍ အစီးအပွါးကို အစဉ် စောင့်ရှောက်လေ့ မရှိဘဲ မိမိလင်မှ တခြားသော ယောက်ျား တို့၌ တပ်မက်မောလျက် မိမိလင်ကို (မရိုမသေ) မထီမဲ့မြင် အောက်မေ့၏၊ ဥစ္စာဖြင့် ၀ယ်သူကို သတ်ရန် (အားထုတ်သကဲ့သို့) အားထုတ်တတ်၏၊
ဤသို့ သဘောရှိသော ထိုမယားကို သူသတ်မဟူ၍ လည်းကောင်း၊
မယားဟူ၍ လည်းကောင်း ဆိုအပ်၏။
၂။ ခိုးသူနှင့်တူသော မယား၊
လင်ယောက်ျား၏ အကြင်မယားသည် မိမိ၏ အရှင်သခင်ဖြစ်သူ လင်ယောက်ျား သည် အတတ်ပညာကို လည်းကောင်း၊ ကုန်သွယ်ခြင်းကို လည်းကောင်း၊ လယ်လုပ်ခြင်းကို လည်းကောင်း ဆောက်တည် (စီရင်)၍ ရအပ်သော ဥစ္စာအနက် အနည်းငယ်မျှသော ဥစ္စာကို သော်လည်း အပြင်သို့ ဆောင်ယူခြင်းငှါ အလိုရှိ၏၊ ဤသို့ သဘောရှိသော ထိုမယားကို ခိုးသူမ ဟူ၍ လည်းကောင်း၊
မယားဟူ၍ လည်းကောင်း ဆိုအပ်၏။
၃။ အရှင်နှင့်တူသော မယား၊
လင်ယောက်ျား၏ အကြင် မယားသည် အလုပ်အကိုင် လုပ်ရန် အလိုမရှိ၊ ပျင်းရိ၏၊
အစားကြီး၏၊ စိတ်လည်း ကြမ်းတမ်း၏၊ ကိုယ်အမူအရာလည်း ကြမ်းတမ်း၏၊ ကြမ်းတမ်းသော စကားတို့ကိုလည်း ဆိုတတ်၏၊ လုံ့လ၀ီရိယ ရှိသော လင်ကို လည်း နှိပ်စက် လွှမ်းမိုး၍ ကျင့်တတ်၏၊
ဤသို့ သဘောရှိသော ထိုမယားကို အရှင်သခင်မဟူ၍ လည်းကောင်း၊
မယားဟူ၍ လည်းကောင်း ဆိုအပ်၏။
၎။ အမိနှင့်တူသော မယား၊
လင်ယောက်ျား၏ အကြင်မယားသည် အခါခပ်သိမ်း အစီးအပွါးကို အစဉ်စောင့် ရှောက်လေ့ရှိ၏၊ အမိသည် သားကို အစဉ်စောင့်ရှောက်သကဲ့သို့ လင်ကို အစဉ် စောင့်ရှောက်တတ်၏၊ ထို့ကြောင့် ထိုလင် ယောက်ျား ဆည်းပူးရှာဖွေအပ်သော ဥစ္စာကို စောင့်ရှောက်၏၊
ဤသို့ သဘောရှိသော ထိုမယားကို အမိဟူ၍ လည်းကောင်း၊
မယားဟူ၍ လည်းကောင်း ဆိုအပ်၏။
၅။ နှမနှင့်တူသော မယား၊
လင်ယောက်ျား၏ အကြင်မယားသည် အစ်မကြီး နှမငယ်သည် မောင်၌ ရိုသေ သကဲ့သို့ ထို့အတူ မိမိလင်၌ ရိုသေ၏၊ အရှက်နှင့်ယှဉ်သော စိတ်ရှိ၏၊ လင်၏ အလိုသို့ လိုက်တတ်၏၊ ဤသို့ သဘောရှိသော ထိုမယားကို အစ်မ နှမဟူ၍ လည်းကောင်း၊ မယားဟူ၍ လည်းကောင်း ဆိုအပ်၏။
၆။ အဆွေခင်ပွန်းနှင့်တူသော မယား၊
လင် ယောက်ျား၏ အကြင်မယားသည် ဤလောက၌ အဆွေခင်ပွန်းသည် ကြာမြင့် မှ ရောက်လာသော အဆွေခင်ပွန်းကို မြင်၍ လွန်စွာ ၀မ်းမြောက် သကဲ့သို့ လင်ကို မြင်၍ လွန်စွာ ၀မ်းမြောက်၏၊ အမျိုးနှင့် ပြည့်စုံ၏၊ သီလရှိ၏၊ လင်၌ ရိုသေစွာ ကျင့်တတ်၏၊
ဤသို့ သဘောရှိသော ထိုမယားကို အဆွေခင်ပွန်းဟူ၍ လည်းကောင်း၊
မယားဟူ၍ လည်းကောင်း ဆိုအပ်၏။
၇။ ကျွန်မနှင့်တူသော မယားတို့တည်း။
လင်ယောက်ျား၏ အကြင်မယားသည် (လင်ယောက်ျားက) တုတ်လှံတန်ကို ကိုင်၍ သတ်ပုတ် ခြင်းဖြင့် ခြိမ်းခြောက် အပ်သော်လည်း အမျက်ထွက်ခြင်း ထိတ်လန့်ခြင်း မရှိ၊ (ဒေါသဖြင့်) မပြစ်မှားသော စိတ်ရှိ၏၊ လင်ကို သည်းခံတတ်၏၊
အမျက်ထွက်ခြင်း မရှိ၊ လင်၏ အလိုသို့ လိုက်တတ်၏၊
ဤသို့ သဘောရှိသော ထိုမယားကို ကျွန်မဟူ၍ လည်းကောင်း၊
မယားဟူ၍ လည်းကောင်း ဆိုအပ်၏။
ဤလောက၌ အကြင်မယားကို
၁။ သူသတ်နှင့်တူသော မယား၊
၂။ ခိုးသူနှင့် တူသော မယား၊
၃။ အရှင်နှင့် တူသော မယားဟု ဆိုအပ်၏၊ သီလမရှိသော သဘောရှိ၏၊ ကြမ်းကြုတ်သော သဘောရှိ၏၊ လင်ကို ရိုသေခြင်း မရှိ၊ ထိုမယားမျိုးတို့သည် ခန္ဓာကိုယ် ပျက်စီး၍ သေပြီးသည်မှ နောက်၌ ငရဲသို့ လားရကုန်၏။
ဤလောက၌ အကြင်မယားကို
၎။ အမိနှင့်တူသော မယား၊
၅။ နှမနှင့် တူသော မယား၊
၆။ အဆွေခင်ပွန်းနှင့် တူသော မယား၊
၇။ ကျွန်မနှင့် တူသောမယားဟု ဆိုအပ်၏၊ သီလ၌ တည်သော သဘောရှိ၏၊ ကြာမြင့်စွာသော ကာလ ပတ်လုံး စောင့်စည်းတတ်၏၊ ထိုမယားမျိုးတို့သည် ခန္ဓာကိုယ် ပျက်စီး၍ သေပြီးသည်မှ နောက်၌ ကောင်းသော လားရာဖြစ်သော နတ်ပြည်သို့ လားရကုန်၏}} ဟု (မိန့်တော်မူ၏)။
သုဇာတာ လင်ယောက်ျား၏ မယားတို့သည် ဤခုနစ်မျိုး တို့ပင်တည်း၊ ထိုမယားခုနစ်မျိုးတို့တွင် သင်သည် အဘယ်အမျိုးအစားနည်းဟု (မေးတော်မူ၏)။
အသျှင်ဘုရား မြတ်စွာဘုရားသည် ယနေ့မှစ၍
တပည့်တော်မကို လင်ယောက်ျား၏ ကျွန်မနှင့်တူသော မယား ဟူ၍ မှတ်တော်မူပါ
ဟု (လျှောက်၏)။
၁၀ - ဘရိယာသုတ်၊ အဗျာကတ၀ဂ်၊ အင်္ဂုတ္ထိုရ်။
Saturday, September 13, 2008
ရှစ်ပါး သီလ
• ဗုဒ္ဓံ သရဏံ ဂစ္ဆာမိ၊ ဓမ္မံသရဏံ ဂစ္ဆာမိ၊ သံဃံသရဏံ ဂစ္ဆာမိ။
• ဒုတိယမ္ပိ ဗုဒ္ဓံ သရဏံ ဂစ္ဆာမိ ဒုတိယမ္ပိ ဓမ္မံသရဏံ ဂစ္ဆာမိ၊ ဒုတိယမ္ပိ သံဃံသရဏံဂစ္ဆာမိ။
• တတိယမ္ပိ ဗုဒ္ဓံ သရဏံ ဂစ္ဆာမိ၊ တတိယမ္ပိ ဓမ္မံသရဏံ ဂစ္ဆာမိ၊ တတိယမ္ပိ သံဃံသရဏံ ဂစ္ဆာမိ။
(က) ပါဏာတိပါတာ ဝေရမဏိသိက္ခာပဒံ သမာဒိယာမိ။
( ခ) အဒိန္နာဒါနာ ဝေရမဏိသိက္ခာပဒံ သမာဒိယာမိ။
( ဂ) အဗြဟ္မစရိယာ ဝေရမဏိသိက္ခာပဒံ သမာဒိယာမိ။
(ဃ) မုသာဝါဒါ ဝေရမဏိသိက္ခာပဒံ သမာဒိယာမိ။
( င) သုရာမေရယ မဇ္ဇပ္ပမာဒဌာနာ ဝေရမဏိသိက္ခာပဒံ သမာဒိယာမိ။
( စ) ၀ိကာလဘောဇနာ ဝေရမဏိသိက္ခာပဒံ သမာဒိယာမိ။
(ဆ) နစ္စ ဂီတ ၀ါဒိတ ၀ိသူက ဒဿန မာလာဂန္ဓ ၀ိလေပန ဓာရဏမဏ္ဍန၀ိဘူသ နဋ္ဌာနာ ဝေရမဏိ သိက္ခာပဒံ သမာဒိယာမိ။
( ဇ) ဥစ္စာသယန မဟာသယနာ ဝေရမဏိသိက္ခာပဒံ သမာဒိယာမိ။
အနက်။ ။ (က) ပါဏာတိပါတာ- သူတစ်ပါးအသက်ကို သတ်ခြင်းမှ၊ ဝေရမဏိသိက္ခာ ပဒံ- ရှောင်ကြဉ်ရကြောင်း ကောင်းမြတ်သော သိက္ခာပုဒ်ကို၊ သမာဒိယာမိ- စိတ်၌မြဲစွာ ဆောက် တည်ပါ၏။
(ခ) အဒိန္နာဒါနာ- မပေးအပ်သော သူ့ဥစ္စာကို ခိုးယူခြင်းမှ၊ ဝေရမဏိသိက္ခာပဒံ- ရှောင် ကြဉ်ရကြောင်း ကောင်းမြတ်သော သိက္ခာပုဒ်ကို၊ သမာဒိယာမိ- စိတ်၌ မြဲစွာဆောက်တည်ပါ၏။
(ဂ) အဗြဟ္မစရိယာ- ကာမဂုဏ်တို့၌ ကဲ့ရဲ့ထိုက်စွာ ယုတ်မာသောအကျင့်မှ၊ ဝေရ မဏိသိက္ခာပဒံ- ရှောင်ကြဉ်ရကြောင်း ကောင်းမြတ်သော သိက္ခာပုဒ်ကို၊ သမာဒိယာမိ- စိတ်၌ မြဲစွာ ဆောက်တည်ပါ၏။
(ဃ) မုသာဝါဒါ- မဟုတ်မမှန်သောစကားကို ပြောဆိုခြင်းမှ၊ ဝေရမဏိသိက္ခာပဒံ- ရှောင် ကြဉ်ရကြောင်း ကောင်းမြတ်သော သိက္ခာပုဒ်ကို၊ သမာဒိယာမိ- စိတ်၌မြဲစွာ ဆောက်တည်ပါ၏။
(င) သုရာမေရယ မဇ္ဇပ္ပမာဒဋ္ဌာနာ- မေ့လျော့ ပေါ့ဆခြင်း၏ အကြောင်းစင်စစ် မူးရစ်စေ တတ်သည့် သေရည်အရက်ကို သောက်စားခြင်းမှ၊ ဝေရမဏိသိက္ခာပဒံ- ရှောင်ကြဉ်ရကြောင်း ကောင်းမြတ်သော သိက္ခာပုဒ်ကို၊ သမာဒိယာမိ- စိတ်၌မြဲစွာ ဆောက်တည်ပါ၏။
(စ) ၀ိကာလဘောဇနာ- နေ့လွဲညစာ စားခြင်းမှ၊ ဝေရမဏိသိက္ခာပဒံ- ရှောင်ကြဉ်ရ ကြောင်း ကောင်းမြတ်သော သိက္ခာပုဒ်ကို၊ သမာဒိယာမိ- စိတ်၌မြဲစွာ ဆောက်တည်ပါ၏။
(ဆ) နစ္စ- ကိုယ်တိုင်ကခြင်း၊ သူတစ်ပါးကို အကခိုင်းခြင်း (မျောက်၊ ဒေါင်း စသော တိရစ္ဆာန်များ၏ ကခြင်းများကိုပါယူရမည်။)၊ ဂီတ- ကိုယ်တိုင်သီဆိုခြင်း၊ သူတစ်ပါးကို သီဆို ခိုင်းခြင်း၊ ၀ါဒိတ- ကိုယ်တိုင်တီးမှုတ်ခြင်း၊ သူတစ်ပါးကို တီးမှုတ်ခိုင်းခြင်း၊ ၀ိသူက ဒဿန- (၀ိသူက- ဘုရားအဆုံးအမ၏ ဆန့်ကျင်ဘက်ဖြစ်သော အရာတို့ကို၊ ဒဿန- ကြည့်ရှု နားထောင် ခြင်း၊ သူတစ်ပါးတို့ အလိုအလျောက် သော်လည်းကောင်း၊ အခြားသူက ခိုင်း၍သော်လည်းကောင်း၊ က-ဆို-တီးမှုတ်နေသည်ကို တမင်တကာသွား၍ ကြည့်ရှုနားထောင်ခြင်း (မိမိဘာသာနေစဉ် မြင် လောက်ကြားလောက်သောအရပ်သို့လာ၍ ကပြ သီဆို တီးမှုတ်သံကို ကြည့်ရှုနားထောင် မိ၍သော်လည်းကောင်း၊ အခြားအလုပ်ကိစ္စဖြင့် သွားရင်းလာရင်း တွေ့မြင်၍သော်လည်း ကောင်း သီလမပျက်ပါ။ သို့သော် မမြင်-မြင်အောင် တမင်တကာ လှည့်၍မကြည့်ရ။)၊ ဌာနာ- ကာမစိတ်ဓာတ် တိုးပွားခြင်း၏ အကြောင်းဖြစ်သော- မာလာ- ပန်းအမျိုးမျိုး၊ ဓာရဏ- ပန် ဆင်ခြင်း၊ ဂန္ဓ- နိမ့်ရာအရပ်၌ ဖို့သိပ်၍ရကောင်းသည့် သနပ်ခါးစသော နံသာပျစ်၊ နံ့သာပျောင်းကို၊ မဏ္ဍန- ကျောက်ပေါက်မှစသော နိမ့်ရာအရပ်၌ ဖို့သိပ်ခြင်း၊ ၀ိလေပန- လိမ်းကျံခြယ် လှယ်ခြင်း ငှာလည်း ကောင်း၊ အနံ့ထုံခြင်းငှာလည်းကောင်း၊ ရကောင်းသော အရောင်တင်ဆေး၊ ရေမွှေး၊ နံ့သာဆီ၊ မျက်နှာ ချေ၊ ပေါင်ဒါကို၊ ၀ိဘူသန- လိမ်းကျံခြယ်လှယ်ခြင်း၊ အနံ့ထုံခြင်း (ဆပ်ပြာ မွှေးလည်း မတိုက်ကောင်း။) တို့ကို၊ ဝေရမဏိသိက္ခာပဒံ- ရှောင်ကြဉ်ရကြောင်း ကောင်းမြတ် သောသိက္ခာပုဒ်ကို၊ သမာဒိယာမိ- စိတ်၌မြဲစွာ ဆောက်တည်ပါ၏။
(ဇ) ဥစ္စာသယန- အခြေတစ်ထောင့်ထွာထက်ရှည်သော အိပ်ရာ ခုတင် ကုလားထိုင်စသည့် မြင့်သောနေရာ၌အိပ်ခြင်း၊ နေထိုင်ခြင်း (လူကြီးက အောက်အနိမ့်မှာနေလျှင် ဥပုသ်သည် လူငယ်က အထက်အမြင့်၌ မနေကောင်း။)၊ မဟာသယန- မြတ်သောနေရာ၌ အိပ်စက် နေထိုင် ခြင်း၊ (ဤနေရာမျိုးကား စည်းစိမ်အားလျော်စွာ ခံစားစံစားလေ့ရှိကြသည့် စည်းစိမ်ရှင်ကြီး များ၏ အိမ်မှာရှိတတ်သော လက်လေးသစ်မက အမွေးရှည်သော သားမွေး အခင်း၊ ခြင်္သေ့ သစ် ကျား အရုပ်များဖြင့် ခမ်းနားဆန်းကြယ်သော သားမွေးအခင်း၊ ရွှေချည် ငွေချည်တို့ဖြင့် ချုပ်လုပ်အပ်သော ပိုးအခင်း၊ လဲ၊ ၀ါဂွမ်းမျိုး သွတ်ထားသော မွေ့ရာတို့ ဖြစ်ကြ၏။) ဝေရမဏိ သိက္ခာပဒံ- ရှောင်ကြဉ်ရကြောင်း ကောင်းမြတ်သော သိက္ခာပုဒ်ကို၊ သမာဒိယာမိ- စိတ်၌မြဲစွာ ဆောက်တည်ပါ၏။
****************************************************************************** မှတ်သားကြပါရန်…
ဥပုသ်ဆောက်တည်ရာတွင် ကိုးပါး သီလဟူ၍မရှိပါ။ မည်သည့်နေရာမှ ဘုရားရှင် ဟောကြားထားခြင်းလည်း မ ရှိပါ။ ကိုပါး သီလတွင်နောက်ဆုံးဖြစ်သော မေတ္တာသဟဂတေန ဆိုသည်မှာ ရှစ်ပါးသီလတွင် သတ္တ၀ါတွေကို မေတ္တာနှင့် ယှဉ်သောစိတ်ဖြင့် ချစ်ဖို့ပြောတာဖြစ်ပါသည်။ မေတ္တာသည် သီလ မဟုတ်ပါ။
(ဓမ္မစေတီဆရာတော် ဟောကြားသော “စစ်မှန်သော ထေရ၀ါဒနှင့်သရဏဂုံ”ံ တရားတော်မှ ထုတ်နှုတ်ရေးသားထားခြင်းဖြစ်ပါသည်)။
**********************************************************************************
အဗြဟ္မစရိယာ နှင့် ကာမေသုမိစ္ဆာစာရ သိက္ခာပုဒ် တို့၏ ခြားနားချက်။…။
အဗြဟ္မစရိယာသိက္ခာပုဒ် ကိုစောင့်ထိန်းလျှင် မိမိပိုင်ဆိုင်သော ကာမကိစ္စနှင့် မိမိမပိုင် ဆိုင်သော ကာမကိစ္စနှစ်မျိုးလုံးမှ ရှောင်ကြဉ်ရ၏။
ကာမေသုမိစ္ဆာစာရသိက္ခာပုဒ် ကိုစောင့်ထိန်းလျှင် မိမိမပိုင်ဆိုင်သော ကာမကိစ္စ တို့ကို ကျူးလွန်ခြင်းမှ ရှောင်ကြဉ်ရ၏။ ဤသို့အားဖြင့် ခြားနားပါသည်။
**********************************************************************************
ညစာ စားလို့ရသော အာဇီဝဋ္ဌမက (ရှစ်ပါးသီလ) သီလ ကို 26.2.2008 ရက်နေ့တွင်ရေးထားနှင့်ပြီးဖြစ်ပါသည်။ စာဖတ်သူများ ဆက်လတ်ဖတ်၍ ထိုသီလ ကိုလည်းဆောက်တည်နိုင်သည်။
“ဓမ္မချမ်းသာ တွေ့အောင်ရှာ အိုနာသေခြင်း ကင်းစေသော်”
“သူတော်ကောင်းဓာတ်တရားမြတ် လွှမ်းပတ်ကမ္ဘာတည်စေသော်”
စာရေးသူ- အောင်ဆွေဦး
ကျွန်တော်အလွန် သိချင်ခဲ့သော ၈ပါးသီလ အကြောင်းကို လေ့လာမှတ်သားရင်း ကျွန်တော့် blog သို့ ရောက်လာကြ သော ဓမ္မမိတ်ဆွေများလည်း လွယ်ကူစွာမှတ်သားနိုင်စေ ရန် ရည်ရွယ်၍
ကိုအောင်ဦးထံမှ ကူးယူဝေမျှပါသည်။
(ဟုတ် ပါတယ်ခင်ဗျာ ကျွန်တော် ၀န်ခံပါတယ် ၊ ကျွန်တော်ရဲ့  ပထမဦးဆုံး ဓမ္မစာကြည့်တိုက် က
ကိုအောင်ဦးရဲ့  ဘလော့ ပါပဲ ။ ဒါကြောင့် တန်ဖိုးထားပြီး ကျွန်တော် ဘလောမှာတင်ပြထားတာပါ ။)
သာသနာကွယ်ကြောင်းတရား (၅) ပါး..
-တရားမနာ၊ စာပေမသင်၊ နှုတ်တွင်မမှတ်၊ ပဋိပတ်ကွာ၊ ဤငါးဖြာသည်၊ ဘုရားသာသနာကွယ်ကြောင်းတည်း။ -စာသင်ပယ်လျော၊ ကျယ်မဟောကြ၊ ကျယ်မချနှင့်၊ ကျယ်စွမအံ၊ မကြံမစည်၊ ဤငါးမည်သည်၊ ဘုရားသာသနာကွယ်ကြောင်းတည်း။
-အက္ခရာပုဒ်ပျက်၊ လေ့ကျက်သင်ချ၊ ဆုံးမမယူ၊ စာချသူ ရှား၊ လာဘ်များအောင်ကြံ၊ ခိုက်ရန်ကွဲပြား၊ ဤငါးပါးသည်၊ဘု၇ားသာသနာကွယ်ကြောင်းတည်း။ ကျေးဇူးတော်ရှင်သီတဂူဆရာတော်ဘုရားကြီးဟောကြားသော သာသနာကွယ်ကြောင်းတရားတော်မှ ကောက်နှုတ်၏။
ဗုဒ္ဓဘာသာဝင်တိုင်းသိသင့် သည့် အချက်များဖြစ်၍ကိုအောင်ဦးထံမှ မှတ်သား၍ ထပ်မံ ဓမ္မဒါန ပြုပါသည်။
ရာဂ တဏှာ မီး အဘယ် ကဲ့သို့ ငြိမ်းရ ပါ့ မလဲ ...
ကိုအောင်ဦးထံမှ ကျွန်တော် မှတ်သားမိသမျှထပ်ဆင့် ဝေမျှလိုက်ပါ တယ်။
ကာမေသု- ကာမဂုဏ်ကို၊ မိစ္ဆာ- မှားယွင်းစွာ၊ အာစာရ- ကျူးလွန် ခြင်းဟူ၍ အနက် အဓိပ္ပာယ်ရတာဖြစ်ခြင်းကြောင့် သူတစ်ပါးမယား ပြစ်မှားစော်ကားမိခြင်းလောက်ဖြင့် မှတ်ယူ မထားသင့်ပေ။ “နှမချင်း စာနာထောက်ထားပါ” ဟူသော မြန်မာတို့၏ ယဉ်ကျေးမှု စကားဖြင့် ပင် အသိအလိမ္မာရှိသူတို့အဖို့ ထိုကံကို ကျူးလွန်လိမ့်မည်မဟုတ်ပါ။ ကာမေသုမိစ္ဆာစာရ ဟူသောအမှုကို ဗုဒ္ဓဘာသာ မြန်မာလူမျိုးတို့ သည်ပင်လျှင် အချို့သောသူတို့ ရှင်းလင်းစွာ နားမလည်ကြပေ။ အနောက်တိုင်းသားတို့အနေဖြင့်မူ နားလည်ဘို့ ပို၍ပင်ဝေးကွာ လှပေသည်။ ကာမေသုမိစ္ဆာစာရကျူးလွန်ခြင်းဟူသောအမှုကို ရှင်းလင်းစွာ နားလည်ထားဘို့ လိုအပ်၏။ ထို့ကြောင့် ကျွန်ုပ်၏ ညီအစ်ကို မောင်နှမတို့အတွက် ကျွန်ုပ်ဖတ်မှတ်ခဲ့သော တရားစာ အုပ်တို့မှ ဖော်ပြလိုက်ခြင်းဖြစ်၏။ ကာမဂုဏ်တို့၌ ဖောက်ပြန်မှားယွင်း ပြုကျင့်ခြင်းမှ ရှောင်ကြဉ်ပါ၏ ဟု သီလဆောက် တည်ထားသူအမျိုးကောင်းသားသည် မိမိ၏သီလ မကျိုးမပေါက်စေရန် အောက်ပါ အာဂမနီယ၀တ္ထု မသွားမလာ အပ်သော မိန်းမ(၂၀)ကို ရှောင်ကြဉ်ရပါမယ်။ (၁) မာတုရက္ခိတ - မိခင် စောင့်ထိန်းသော မိန်းမ၊ (၂) ပိတုရက္ခိတ - ဖခင် စောင့်ထိန်းသော မိန်းမ၊ (၃) မာတုပိတုရက္ခိတ - မိဘနှစ်ပါး စောင့်ထိန်းသော မိန်းမ၊ (၄) ဘာတုရက္ခိတ - မောင်ကြီးမောင်ငယ် စောင့်ထိန်းသော မိန်းမ၊ (၅) ဘဂိနီရက္ခိတ - အစ်မ၊ ညီမ စောင့်ထိန်းသော မိန်းမ၊ (၆) ဉာတိရက္ခိတ - သွေးသားတော်စပ်သူ ဆွေမျိုး စောင့်ထိန်းသော မိန်းမ၊ (၇) ဂေါတ္တရက္ခိတ - အမျိုးအနွယ် စောင့်ထိန်းသော မိန်းမ၊ (၈) ဓမ္မရက္ခိတ - တရားကျင့်ဖော်ချင်း စောင့်ထိန်းသော မိန်းမ၊ (၉) သာရက္ခ - ကိုယ်ဝန်ကတည်းက မှတ်သားသိန်ဆည်းခံရသော မိန်းမ၊ (၁၀) သပရိဒဏ္ဍ - ဤမိန်းမကို သွားလာလျှင် ဒဏ်သင့်စေဟုမင်း မိန့်ထုတ်ခံရသော မိန်းမ(တော်ကောက်ထားသည့် မိန်းမ)။ မာတုရက္ခိတမှ ဓမ္မရက္ခိတအထိ မိန်းမရှစ်မျိုးတို့ကို မိဘစသူတို့က စောင့်ထိန်းသည် ဆိုရာ၌ မိဘစသူတို့သည် ထိုမိန်းမတို့၏ အထိအ တွေ့(ဖဿ)ကို အစိုးလည်းမရ၊ ပိုင်ဆိုင်မှုလည်းမရှိသဖြင့် မစောင့် ရှောက်နိုင်။ ဖဿကို စောင့်ရှောက်ကြသည်မဟုတ်။ အမှန်မှာ ယုတ် မာသောအကျင့်နှင့် ယောက်ျားတစ်ပါးနှင့် သွားလာနေထိုင်မှုကိုသာ တားမြစ်စောင့်ရှောက်နိုင်ကြသည်။ ထို့ကြောင့် ထို မိန်းမရှစ်မျိုးတို့မှာ ယောက်ျားတစ်ပါးနှင့် ကာမဖောက်ပြန်လျှင် ကာမေသုမိစ္ဆာစာရကံ မ ထိုက်၊ အဘယ့်ကြောင့်ဆိုသော် ကာမပိုင်လင်မရှိသောကြောင့် တည်း။ သာရက္ခ၊ သပရိဒဏ္ဍမိန်းမနှစ်မျိုးတို့မှာ ရည်စူးသတ် မှတ် ထားသူရှိခြင်းကြောင့် ယောက်ျားတစ်ပါးနှင့် ကာမဖောက်ပြန်လျှင် ကာမေသုမိစ္ဆာ စာရကံထိုက်၏။ (၁၁) ဓနက္ကီတ - ဥစ္စာဖြင့် ၀ယ်ယူပေါင်းသင်းသော မိန်းမ၊ (၁၂) ဆန္ဒ၀ါသိနီ - အလိုတူ၍ ပေါင်းသင်းသော မိန်းမ၊ (၁၃) ဘောဂ၀ါသိနီ - ပစ္စည်းအသုံးအဆောင်ပေး၍ ပေါင်းသင်းသော မိန်းမ၊ (၁၄) ပဋ၀ါသိနီ - အ၀တ်အထည်ပေး၍ ပေါင်းသင်းသော မိန်းမ၊ (၁၅) သြဒပတ္တကိနီ - ရေခွက်၌ လက်ဆုံနှိုက်၍ လက်ထပ်ပေါင်း သင်းသော မန်းမ ၊ (၁၆) သြဘဋစုမ္ဗဋာ- ထင်းခွေရေခတ် လုပ်ကိုင်ရသော အမျိုးသမီး အား ယင်းအလုပ်တို့ကို မလုပ်စေတော့ဘဲ ခေါင်းမှခေါင်းခုကိုချစေ ၍ ပေါင်းသင်းသောမိန်းမ၊ (၁၇) ဒါသီ - ကျွန်လည်းဟုတ် ၊ မယားလည်းဟုတ်သော မိန်းမ၊ (၁၈) ကမ္မကာရီ - အလုပ်သမားလည်းဟုတ်၊ မယားလည်းဟုတ် သော မိန်းမ၊ (၁၉) ဓဇာဟဋာ - သုဥ့်ပန်းအမျိုးသမီးအား မယားအဖြစ်သို့ပေါင်း သင်းသော မိန်းမ၊ (၂၀) မုဟုတ္တိကာ - ခေတ္တငှားရမ်း ပေါင်းသင်းသော မိန်းမ။ အထက်ပါ မိန်းမ (၂၀) တို့တွင် နံပါတ် (၉) သာရက္ခမှ နံပါတ် (၂၀) မုဟုတ္တိကာ အထိ မိန်းမ (၁၂) မျိုးတို့သည် ပိုင်ဆိုင်သူရှိသော ကြောင့် မိမိအားပိုင်ဆိုင်သူမှတစ်ပါး အခြားယောက်ျားများနှင့် သော်လည်းကောင်း၊ တိရစ္ဆာန်အထီးများနှင့် သော်လည်းကောင်း ကာမဖောက်ပြန်လျှင် ကာမေသုမိစ္ဆာစာရကံထိုက်၏။ အဘယ် ကြောင့်ဆိုသော် လင်ပိုင်ဆိုင်သော ကာမအတွေ့အထိကို ခိုး၍ သူတစ်ပါးအား ပျော်မွေ့စေသောကြောင့်ဖြစ်သည်။ ယောက်ျားများ မှာမူ မိန်းမ (၂၀) အနက် တစ်ယောက်ယောက်နှင့် ဖောက်ပြန် လျှင် ကာမေသုမိစ္ဆာရကံ ထိုက်၏။ ထို့ကြောင့် ရှေးဆရာကြီးများ က“မိန်းမ နှစ်ကျိပ်၊ ပျော်ကြောင်းသိပ်လည်း၊ မအိပ်လေရာ” ဟု ဆုံးမ ခဲ့ကြ၏။ ဤသိက္ခာပုဒ်၌လည်း သီလမရှိသူ၌ ကျူးလွန်လျှင် အပြစ်နည်း၏။ သီလရှိသူ၌ ကျူးလွန်လျှင် အပြစ်ကြီး၏။ သီလမရှိသူအပေါ်၌လည်း အနိုင်ကျင့် ကျူးလွန်လျှင် အပြစ်ကြီး၏။ နှစ်ယောက်အလိုဆန္ဒတူ၍ ကျူးလွန်လျှင် အပြစ်နည်း၏။ မှားယွင်းလိုသော စေတနာလည်း မရှိ အလိုလည်းမတူဘဲ အနိုင်အထက်ကျူးလွန်ခံရသူအား ကာမေသု မိစ္ဆာစာရမဖြစ်၊ ကျူးလွန်သူ၌သာဖြစ်၏။ အမှောင်ခန်းထဲ၌ အိပ်နေစဉ် မသူတော် လာရောက်နေထိုင်သည်ကို မိမိလင်မှတ်၍ သာယာသောမိန်းမအားလည်းကောင်း၊ မိမိ မယားနှင့် ယှဉ်အိပ်နေ သူ အမျိုးသမီးအား မိမိမယားမှတ်၍ မှားမိသောယောက်ျားအား လည်းကောင်း ကာမေသုမိစ္ဆာစာရကံ မထိုက်ပေ။ မဂ်နှင့်ပတ်သက်၍လည်း သိဘို့လိုအပ်၏။ မဂ္ဂ=မဂ်=လမ်းကြောင်း။ လူတို့ခန္ဓာကိုယ်တွင် ကာမကျူးလွန်၍ ဖောက်ပြန်နိုင်သောလမ်း ကြောင်းသုံးမျိုးရှိသည်။ ၎င်းတို့မှာ- (၁) ၀စ္စမဂ် - ကျင်ကြီးစွန့်ရာ လမ်းကြောင်း၊ (၂) ပဿာဝမဂ် - ကျင်ငယ်စွန့်ရာ လမ်းကြောင်း၊ (၃) မုခမဂ် - စကားပြောရာလမ်းကြောင်း၊ တို့ဖြစ်ကြသည်။ ယင်းတို့အနက် မိန်းမတို့၏ မဂ်သုံးမျိုး၌ ယောက်ျား ၏ ပဿာဝမဂ်ဖြင့် ကျူးလွန်သော်လည်းကောင်း၊ ယောက်ျားအချင်း ချင်းဝစ္စမဂ်၊ မုခမဂ်တို့၌ ကျူးလွန်သော်လည်းကောင်း ကာမေသုမိစ္ဆာ စာရကံ ထိုက်၏။ မိန်းမအချင်းချင်း၊ မဂ်တူအချင်းချင်း ထိတွေ့ဆက် စပ်လျှင်မူ ကာမေသုမိစ္ဆာစာရကံ မဖြစ်ပါ။ ကာမေသုမိစ္ဆာစာရကံ မြောက်စေသော အင်္ဂါလေးပါရှိ၏။ ၄င်းအင်္ဂါ များမှာလည်း ယောက်ျားများအတွက်သာရည်ရွယ်ပေသည်။ ထိုအင်္ဂါ (၄)ပါးတို့ကတော့- (၁) မသွားလာအပ်သော အဂမနီယ၀တ္ထု ဖြစ်ခြင်း၊ (၂) အဂမနီယ၀တ္ထု၌ မှိဝဲလိုစိတ်ရှိခြင်း၊ (၃) လုံ့လပြုခြင်း၊ (၄) သာယာခြင်း တို့ဖြစ်ကြ၏။ မိမိ၏ မယား၌ ကာမေသုမိစ္ဆာစာရကံ ထိုက်ခြင်း အင်္ဂါ (၄) ပါးလည်း ရှိသေး၏။ ၎င်းတို့မှာ- (၁) အကာလ - ရောဂါ ၊ ကိုယ်ဝန် အလွန်ရင့်သောအခါ၊ (၂) အာဒေသေ - မိဘဆရာ သူတကာတို့ မြင်သဖြင့် မသင့်နေရာ၊ (၃) အဓမ္မေန - ကျင့်ရိုးမဟုတ်ကျင့်ခြင်း၊ (၄) အနင်္ဂေန - ဆေးဝါးမှီဝဲ ရှိမြဲအင်္ဂါထက် လွန်သောအခါ ဟူ၍ ရှိကြလေ၏။ ကာမေသုမိစ္ဆာစာရကံ ကျူးလွန်ခြင်းကြောင့်ရရှိသောအပြစ်(၁၁) ချက်ရှိပါသည်။ ၎င်းတို့ ကတော့- (၁) ကာမေသုမိစ္ဆာစာရအားကြီးသော လူသည် မလိုမုန်းထားသူ ပေါ များခြင်း၊ (၂) မုန်းရုံမက ရန်သူလည်း များခြင်း၊ (၃) လာဘ်ပစ္စည်းများ ရှားပါးတိတ်ဆိတ်ခြင်း၊ (၄) ချမ်းသာမှု ကင်းဆိတ်ခြင်း၊ (၅) မိန်းမ ဖြစ်ရခြင်း၊ (၆) မိန်းမမဟုတ် ၊ ယောက်ျားမဟုတ် ပဏ္ဍုတ်ဖြစ်ရခြင်း၊ (၇) ယောက်ျားဖြစ်လျှင်လည်း အမျိုးယုတ်၌ ဖြစ်ရခြင်း၊ (၈) မျက်နှာပျက်၍ အရှက်ကွဲရတတ်ခြင်း၊ (၉) အင်္ဂါလက္ခဏာ ဣနြေ္ဒတို့ယွင်းချို့ သေးသိမ်ခြင်း၊ (၁၀) စိုးရိမ်ကြောင့်ကြ အားကြီးရခြင်း၊ (၁၁) ချစ်သူနှင့် ကွေကွင်းကွဲကွာရခြင်း တို့ ဖြစ်ကြ၏။ လင်္ကာဖြင့်မှတ်ပါလေ- “မိစ္ဆာစာရ၊ ကျူးလွန်ကလည်း၊ မုန်းကြအများ၊ ရန်သူပွား၍၊ ရှားပါး လာဘ်တ်ိတ်၊ ချမ်းသာဆိတ်၏၊ ဣတ္ထိပဏ္ဍုက်၊ မျိုးယုတ်ခါခါ၊ မျက်နှာမလှ၊ အရှက်ရလျက်၊ လက္ခဏဣနြေ္ဒ၊ ယွင်းသွေချို့သိမ်၊ စိုးရိမ်များစွာ၊ ချစ်သူကွာသည်၊ ရှောက်ကအပြန် အကျိုးတည်း။” ဤ ပြဆိုခဲ့သော အပြစ်တို့သည် ၀ဋ်လိုက်သောအားဖြင့် ဖြစ်ရာဘ၀၌ ကြုံတွေ့ ရ တတ်သော အပြစ်များသာတည်း။ ထိုအပြစ်များအပြင် ငရဲ၌လည်း ဖြစ်ကြရသေး၏။ ကာမေသုမိစ္ဆာစာရကံ အားကြီးသော သူဌေးသားလေးယောက်တို့၏ “လောဟကုမ္ဘီ” ခေါ်သံရည်ပူငရဲမှ “ဒု၊ သ၊ န၊ သော” ဟု ဟစ်အော်ကြပုံကိုလည်း လူအများပင်ကြား ဖူးကြ လေပြီ။ အထူး ဆင်ခြင်ဖွယ်ကောင်းသော အရှင်အာနန္ဒာအလောင်း ၏ ဖြစ်ပုံလည်း ရှိသေး၏။ အရှင်အာနန္ဒာအလောင်းသည် ကမ္ဘာတစ် သိန်းမျှ ပါရမီဖြည့်ပြီးနောက် ကျွတ်တမ်းဝင်တော့မည့် ဤကမ္ဘာမှာ ပင် တစ်ခုသောဘ၀၌ ရွှေပန်းတိမ်သည်သားဖြစ်၏။ ထိုဘ၀တုန်းက လူလေ၊ လူလယ်တို့နှင့် ပေါင်းမိ၍ ကာမေသုမိစ္ဆာစာ ရအမှုကို ပြုလေ သည်။(လူမိုက်နှင့် ပေါင်းခြင်းကား ဤမျှလောက် အပြစ်များ၏။) ထို အကုသိုလ်ကံကြောင့် ရောရုဝငရဲ၌လည်း နှစ်ပေါင်းများစွာ ခံစားခဲ့ရပြီးနောက် လွတ်မြောက်လာသောအခါ မျောက်ဖြစ်၍ ဝှေးစေ့ကိုက်ဖောက်ခံရ၏။ ထို့နောက် တစ်ဘ၀၌ နွားဖြစ်၍ သင်းကွပ် (ဝှေးစေ့အထုတ်) ခံရ၏။ ထို့နောက် မိန်းမ မဟုတ်၊ ယောက်ျားမ ဟုတ်ပဏ္ဍုပ်ဖြစ်ရ၏။ ထို့နောက် (၅) ဘ၀မြောက်၌ အကုသိုလ်ကံ အခွင့်ရ၍ နတ်ပြည်၌ ဖြစ်ရသော်လည်း ထိုကာမေသုမိစ္ဆာစာရကံ နှောင့်ယှက်မှုကြောင့် နတ်သားမဖြစ်ဘဲ နတ်သမီးချည်း ငါးဘ၀လုံး လုံး ဖြစ်ရသေး၏။ ထိုဘ၀တို့နောက်၌ လူ့ပြည်မှာ ဘုရင့်သမီးဖြစ်ရ ပြန်၏။ ထို ဘ၀နောက်မှ ယောက်ျားဘ၀ကိုရလေည်။ ဤသို့လျှင် ကာမေသုမိစ္ဆာစာရကံအတွက် ပါရမီရှင်ကြီးသော်မှ ငရဲကျရ၊ ဘ၀ များစွာပင် အောက်ကျနောက်ကျ ဖြစ်ရသေးသည်ကို သတိပြုလျက် တစ်သံသရာလုံးက ပါလာခဲ့သောစိတ်ဆိုး၊ ၀ါသနာဆိုးကြီးကို တရား ဖြင့် စောင့်ရှောက်ကြပါကုန်။ စာဖတ်သူတို့အားလုံး ဘေးရန်ခပ်သိမ်းကင်းငြိမ်းကြပါစေ။ နှလုံးစိတ် ၀မ်းငြိမ်းချမ်းကြပါစေ။
/မောင်ဇော်မင်းအောင်
Friday, September 12, 2008
ကြိုးစားနေစဲပါ...
ဘာမှမသိ ၊ဘာမှမတတ်ပေ မယ်လို့ ကျွန်တော် ရဲ့ ဘလော့ကို ရောက်လာကြတဲ့ သူတွေ အတွက် ကျွန်တော် အနေနဲ့ မေတ္တာ တုံ့ ပြန်ချင်တဲ့ စေတနာရှိ့ တာတော့အမှန်ပါ ။ ဒါကြောင့် ကျွန်တော့် အနေနဲ့ အစွမ်းကုန် ကြိုးစားသွားမှာပါ ။ ကျွန်တော် ရဲ့ ဆန္ဒ အမှန်ကတော့ ဗုဒ္ဓဘာသာဆိုင် ရာ စာပေ နဲ့ တရားတော်များ ကို ဆန္ဒလေးရှိ့ ရုံ မျှဖြင့် အလွယ်တကူ နာကြားနိုင်ပြီး လေ့လာမှတ်သားနိုင်စေရန် ရည်ရွယ်ပြီး ဒီဘလော့လေးကို စရေး ဖြစ်ခဲ့ တာပါ ။ ကျွန်တော် ဘလော့မှာ မှတ်သားစရာ မရှိ့ ခဲ့ ရင် လည်း တခြားသော ဗုဒ္ဓဘာသာဆိုင်ရာ web site များနှင့် blog များ ကို လွယ်ကူစွာသွားရောက် နိုင်ရန် link များ ပြန်ခွဲပေးထားပါတယ် ။ ကျွန်တော့် ဘလော့ကို ရောက်လာ သူတွေအားလုံးပဲ စိတ်ချမ်းသာ ကိုယ် ကျန်းမာနိုင်ကြပါစေ ခင်ဗျာ......
/မောင်ဇော်မင်းအောင်
ဝမ်းမြောက်စရာ သတင်းတစ်ခု ....
"ကမ္ဘာကျော်ဘော် လုံးသမားဒေးဗစ်ဘက်ခမ်း တို့ဇနီးမောင်နှံတို့ ဗုဒ္ဓဘာသာအဖြစ် ခံယူလိုက် ပါပြီ " ဒီကနေ့ ဘလော့ကို ဖြည့်စည်းမွန်းမံ ရန်အတွက် ဗဟုသုတ အဖြင့်တခြားသော Blog များကို သွားရောက်လေ့လာရင်း က မမေမိုး ရဲ့  blog မှတဆင့် ကမ္ဘာကျော် ဘောလုံးသမား ဒေးဗစ်ဘက်ခမ်း ရဲ့ သတင်းကိုကြားသိရ ရချင်း ကြည်နူးစွာဖြစ်ခဲ့ ရသောခံစားမှူ့ ကို မိတ်ဆွေများ အားလုံး အတွက် ပြန်လည် မျှဝေ လိုက် ပါတယ်...
Wednesday, September 10, 2008
မေတ္တာရပ်ခံချက်....
မိတ်ဆွေများအားလုံးပဲ မင်္ဂလာပါခင်ဗျာ....
ယနေ့မှစ၍ ကျွန်တော်၏ ဘလော့ မှ " ရုပ်ရှင်များကြည့်ရန် " အစီအစဉ်မှ မိတ်ဆွေတို့ အတွက် အမှန်တကယ် အကြိုးရှိ မည့် " နည်းပညာနှင့်ဗဟုသုတများ " အစီအစဉ်ကို အစားထိုး တင်ပြ သွားပါမယ် ခင်ဗျာ ။ လိုအပ်သော software နှင့် သိလိုသော အကြောင်း အရာများ ကို C Box မှ တဆင့် တောင်းဆို နိုင် ပါတယ်ခင်ဗျာ.....
မိတ်ဆွေတို့  ဘ၀ အတွက် အမှန်တ ကယ်အကြိုး ရှိပြီး အနှစ်သာရနှင့် ပြည်ဝ မည့် အရာများ ကို အတတ် နိုင် ဆုံး ကြိုးစား တင်ပြပေးသွားပါ မယ်ခင်ဗျာ...
/မောင်ဇော်မင်းအောင်
Sunday, September 7, 2008
မိတ်ဆက်
ယနေ့မှစ၍ ကျွန်တော်ရဲ့  blog ကို စတင် အသုံးပြုနိုင်ကြပါပြီ ခင်ဗျာ ။ လူကြီးမင်းတို့ ရဲ့  အားလပ် တဲ့ အချိန်လေးများကို အကြိုးရှိ စွာ နှင့် အသုံးပြု့ နိုင်ရန် ကျွန်တော်ရဲ့  ကိုစွမ်း ၊ ညဏ်စွမ်း ရှိ့  သမျှ ကုသိုလ်ဖြစ် ပေးဆပ် ပါမည်ဟု ဂတိပြုပါတယ် ခင်ဗျာ ။
" ကိလေသာ ၊ တဏှာ အညစ်အကြေးတွေနဲ့ ရှင်သန် ပြီး အ၀ိဇ္ဖာ (အမှောင်) ဓာတ်တွေ ဖုံးလွှမ်း နေတဲ့ ဒီသံသရာ ကမ္ဘာကြီး ကနေ အပြီးတိုင် လွန်မြောက် နိုင်အောင် လမ်းပြ ပေး နိုင်သော မြတ်စွာ ဘုရားရှင် ၏ တရားတော် များ" ကို နာယူရန် ဆန္ဒရှိ ပါလျှက် တရားတော် များ နှင့် မနီးစပ် ၍ တရားနာ ယူရန် အခက်အခဲ များကြုံတွေနေရသော ပုဂ္ဂိုလ်များအတွက် အထူးရည်ရွယ် ၍ ဒါပြု ခြင်း ဖြစ်ပါသည် ။ တရားတော် များကို ကျွန်တော်၏ Blog ၌တိုက်ရိုက် နာယူနိုင်ပြီး Download များလည်း လုပ်နိုင် ကြပါ ပြီခင်ဗျာ ။
ဗုဒ္ခဘာသာ နှင့် သက်ဆိုင်သည့် အခြားသော web site များနှင် Blog များကို လည်း ကျွန်တော် ၏ Blog မှနေ၍ အလွယ် တကူ သွားရောက် လေ့လာ ဖတ်ရှူ့ နိုင် ပါတယ်ခင်ဗျာ ။
ရတနာသုံးပါးအား ဦးထိပ်ပန်ဆင် လျှက်.....
မောင်ဇော်မင်းအောင်
Posts
